ਬ੍ਰਿਟੇਨ ਵਿਚ ਵੱਡੇ ਪੱਧਰ ‘ਤੇ ਬੱਤੀ ਗੁੱਲ, ਕਰੀਬ 10 ਲੱਖ ਲੋਕ ਪ੍ਰਭਾਵਿਤ

0
34

ਲੰਡਨ: ਬ੍ਰਿਟੇਨ ਵਿਚ ਸ਼ੁੱਕਰਵਾਰ ਨੂੰ ਬਿਜਲੀ ਦੀ ਸਪਲਾਈ ਵਿਚ ਰੁਕਾਵਟ ਆਉਣ ਨਾਲ ਕਰੀਬ 10 ਲੱਖ ਲੋਕ ਪ੍ਰਭਾਵਿਤ ਹੋਏ ਹਨ। ਬਿਜਲੀ ਨੈਟਵਰਕ ਸੰਚਾਲਤ ਕਰਨ ਵਾਲੇ ਨੈਸ਼ਨਲ ਗ੍ਰਿਡ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਸ ਨੂੰ ਵਿਸ਼ਵਾਸ ਹੈ ਕਿ ਸ਼ੁੱਕਰਵਾਰ ਨੂੰ ਬਿਜਲੀ ਵਿਚ ਆਈ ਰੁਕਾਵਟ ਪਿੱਛੇ ਕਿਸੇ ਦਾ ਕੋਈ ਗਲਤ ਇਰਾਦਾ ਨਹੀਂ ਹੈ। ਕੰਪਨੀ ਨੇ ਬਿਜਲੀ ਵਿਚ ਆਈ ਇਸ ਰੁਕਾਵਟ ਲਈ ਦੋ ਜਨਰੇਟਰਾਂ ਵਿਚ ਪੈਦਾ ਹੋਈ ਗੜਬੜੀ ਨੂੰ ਜ਼ਿੰਮੇਵਾਰ ਦੱਸਿਆ ਹੈ। ਇਸ ਰੁਕਾਵਟ ਕਾਰਨ 9,00,000 ਤੋਂ ਜ਼ਿਆਦਾ ਗਾਹਕਾਂ ਨੂੰ ਕਈ ਘੰਟਿਆਂ ਤੱਕ ਬਿਨਾਂ ਬਿਜਲੀ ਦੇ ਰਹਿਣਾ ਪਿਆ। ਇਸ ਕਾਰਨ ਆਵਾਜਾਈ ਪ੍ਰਣਾਲੀ ਵੀ ਪ੍ਰਭਾਵਤ ਹੋਈ ਹੈ।
ਨੈਸ਼ਨਲ ਗ੍ਰਿਡ ਦੇ ਕਾਰਜ ਨਿਰਦੇਸ਼ਕ ਡਿਯੂਕਨ ਬਰਟ ਨੇ ਕਿਹਾ ਕਿ ਉਹਨਾਂ ਨੂੰ ਯਕੀਨ ਹੈ ਕਿ ਇਸ ਦੇ ਪਿੱਛੇ ਕੋਈ ਸਾਈਬਰ ਅਟੈਕ ਨਹੀਂ ਹੈ। ਕੰਪਨੀ ਨੇ ਇਸ ਨੂੰ ਅਚਾਨਕ ਆਈ ਘਟਨਾ ਦੱਸਦੇ ਹੋਏ ਇਸ ਤੋਂ ਸਬਕ ਲੈਣ ਦਾ ਫ਼ੈਸਲਾ ਕੀਤਾ ਹੈ। ਕੰਪਨੀ ਨੇ ਕਿਹਾ ਕਿ ਉਹ ਇਸ ਬਾਰੇ ਉਦਯੋਗ ਰੈਗੂਲੇਟਰ ਓਫਜੈਮ ਨੂੰ ਇਕ ਤਕਨੀਕੀ ਰਿਪੋਰਟ ਦੇਵੇਗੀ, ਜਿਸ ਨੇ ਸ਼ੁੱਕਰਵਾਰ ਨੂੰ ਇਸ ਦੀ ਤਤਕਾਲੀ ਜਾਂਚ ਲਈ ਕਿਹਾ ਸੀ।